Save Irrawaddy

ဧရာဝတီကို ကယ်တင်ပါ

သူငယ်ချင်းတို့ရေ.....
အခု မြစ်ဆုံမှာ ရေကာတာကြီး ဆောက်တော့မယ်......
အဲဒီစီမံကိန်းကြောင့် ငါတို့နိုင်ငံမှာ ဘာအကျိုးကျေးဇူးမှ မရှိဘူး
အဲဒီစီမံကိန်းကြောင့် ဧရာဝတီမြစ်ကြီး ပျောက်ကွယ်သွားနိုင်တယ်
ငါတို့တွေ ၀ိုင်းပြီး ကန့်ကွက်ရမယ်.....

ငါတို့တွေ အပြင်မှာ ဆန္ဒပြလို့မရပေမယ့် Facebook မှာ လွှတ်လပ်စွာ ဆန္ဒပြလို့ရတယ်...
ဧရာဝတီကို တကယ်ချစ်ရင် သူငယ်ချင်းရဲ့ profile picture မှာ ဒီပုံလေးကို August လ တစ်လလုံး တင်ထားပေးပါ.......

မှတ်ချက်။ ။ ဧရာဝတီ လုပ်ရှားမှုကို ဘယ်အဖွဲ့အစည်း ဘယ်သူ တစ်ဦးတစ်ယောက်က မှ ခိုင်းတာ မဟုတ်သလို၊ ဘယ်သူ့ဆီကမှ အခကြေးငွေရယူထားခြင်းလည်း မရှိပါဘူး။ နောက်ကိုလည်း ယူဖို့မရှိပါဘူး။ ဧရာဝတီကို ချစ်တဲ့ နိုင်ငံသားတစ်ယောက်အနေနဲ့ လုပ်သင့်လုပ်ထိုက်တာကို လုပ်တာပါ.......

စစ်ဖြစ်​နေသည့်​ကြား​က မြစ်ဆုံ​ရေကာတာ ဆက်​ဆောက်

Sunday, July 17, 2011

by ဒီဗွီဘီ

ကချင်ပြည်လွတ်လပ်​ရေး​ အဖွဲ့​ (​ကေအိုင်အို)နဲ့​ မြန်မာစစ်တပ်​တွေအကြား​ တိုက်ပွဲ​တွေ ဖြစ်​နေတဲ့​ကြား​က ဧရာဝတီမြစ်ဆုံ​ရေကာတာစီမံကိန်း​ကို ဆက်လက်တည်​ဆောက်​နေပြီး​ လိုအပ်တဲ့​ ​ဆောက်လုပ်​ရေး​ပစ္စည်း​တွေ ဒီက​နေ့​ မနက်ပိုင်း​က ဗလမင်း​ထင်တံတား​ကို ​ရောက်ရှိလာပါတယ်။

တရုတ်ပြည် ထိန်ချုံး​မြို့​မှတဆင့်​ ကန်ပိုက်တီး​-မြစ်ကြီး​နား​ လမ်း​ကြောင်း​အတိုင်း​ ​ဆောက်လုပ်​ရေး​ပစ္စည်း​တွေ တင်ထား​တဲ့​ ကား​တွေ ဒီက​နေ့​ မနက်ပိုင်း​က မြစ်ကြီး​နား​ အ​ရှေ့​ဖက်ကမ်း​ ဗလမင်း​ထင်တံတား​ကို ​ရောက်ရှိလာတာလို့​ မြစ်ကြီး​နား​ဒေသခံတဦး​က ​ပြောပါတယ်။

“မနက်က ဗလမင်း​ထင်တံတား​ထိပ်မှာ ဧရာဝတီမြစ် ​ရေကာတာ စီမံကိန်း​မှာ အသုံး​ပြုတဲ့​ ကား​အစီး​ ၂ဝ၊​ ၃ဝ ​လောက် ​တွေ့​ခဲ့​တယ်။ မြစ်ဆုံ​ရေကာတာမှာ အသုံး​ပြုတဲ့​ ​ဆောက်လုပ်​ရေး​ပစ္စည်း​တွေ၊​ သံ​ချောင်း​တွေပါတယ်၊​ သံယက်မ​တွေ အဲလိုမျိုး​ ပါတယ်။ ကန်ပိုက်တီး​လမ်း​က​နေ လာခဲ့​တာ။ ”

ဝိုင်း​မော်မြို့​နယ်၊​ ဝါး​ရှောင်​ကျေး​ရွာအထက်က တံတား​တစင်း​ မ​နေ့​က ဗုံး​ခွဲ ဖျက်ဆီး​ခံခဲ့​ရသည့်​ကြား​က အခုလို မြစ်ဆုံ​ရေကာတာစီမံကိန်း​က ကား​တွေ ဖြတ်သန်း​ လာတာလည်း​ ဖြစ်ပါတယ်။

“ဝါး​ရှောင်အထက်မှာ မ​လောင်ခတံတား​ဆိုတာ ​ပေ​ပေါင်း​ ၁၃ဝ၊​ ၁၄ဝ ​လောက်ရှိတယ်။ ကွန်ကရက်တံတား​ကြီး​လေ။ အဲဒါကို ဘယ်သူခွဲတယ်မသိဘူး​။ မ​နေ့​ညက ခွဲတာ​ပေါ့​။ အ​ပေါက်​တွေ ဖြစ်သွား​တာ။ မိုင်း​ခွဲလိုက်တာ ဒီ​လောက် အ​ပေါက်​တွေဖြစ်တဲ့​ကြား​မှာ ဧရာဝတီမြစ်စီမံကိန်း​က ကား​တွေက မြစ်ကြီး​နား​အဝင်မှာ ကျ​နော်​တွေ့​ခဲ့​တာ။ ​တွေ့​ခဲ့​တယ်ဆို​တော့​ စစ်ဘယ်​လောက်ဖြစ်ဖြစ် စီမံကိန်း​ကို ဆက်လုပ်မယ့်​အ​နေအထား​ရှိတယ်။ မ​နေ့​ညက လာပုံ​ထောက်တယ်။ သူတို့​မ​ရောက်ခင် တံတား​က မိုင်း​ခွဲလိုက်တာ။ မိုင်း​ခွဲလိုက်တာကို သူတို့​က ​ရောက်​အောင် ဖြတ်ခဲ့​တာ​ပေါ့​။ အ​ပေါက်ပဲဖြစ်ခဲ့​တာ​ကြောင့်​၊​ တံတား​ကျိုး​အောင် မလုပ်တဲ့​ခါကျ​တော့​ ဖြစ်လို့​ရသွား​တာ။”

ဧရာဝတီမြစ်ဆုံ​ရေကာတာ မတည်​ဆောက်ရန် ​ဒေသခံ ကချင်​ခေါင်း​ဆောင်​တွေ၊​ ​ဒေသခံရွာသား​တွေအပါအဝင် ​ကေအိုင်အိုက မြန်မာအစိုး​ရကို ​တောင်း​ဆိုခဲ့​သလို တရုတ်-မြန်မာ နှစ်နိုင်ငံပါဝင်တဲ့​ ပညာရှင်အဖွဲ့​ကလည်း​ မြစ်ဆုံ​ရေကာတာ ​ဆောက်လုပ်ရင် ဖြစ်​ပေါ်လာမယ့်​ဆိုး​ကျိုး​တွေ ကြီး​မား​တာမို့​ မ​ဆောက်လုပ်ဖို့​ စာတမ်း​ပြုစုတင်ပြတဲ့​ကြား​က မြန်မာအစိုး​ရနဲ့​ တရုတ်ကုမ္ပဏီ​တွေက တည်​ဆောက်​နေတာလည်း​ ဖြစ်ပါတယ်။

ပညာရှင်များ တားမြစ်သည့်တိုင် မြစ်ဆုံ ရေကာတာကို ဆက်ဆောက်မည်

ဧရာဝတီ Thursday, 14 July 2011 11:23 သတင်းတိုများ

တရုတ်ပိုင် China Power Investment (CPI) ကော်ပိုရေးရှင်းမှ ရန်ပုံငွေ ထောက်ပံ့ပြီး မြန်မာနှင့် တရုတ် ပညာရှင်များပါဝင်သော လေ့လာရေးအဖွဲ့က ဧရာဝတီ မြစ်ဆုံ ရေကာတာ စီမံကိန်းကို ဆက်လက် အကောင်အထည် မဖော်ရန် အကြံပေးထားသော်လည်း CPI က ဆက်လက် လုပ်ဆောင်သွားမည်ဟု သိရသည်။ စာမျက်နှာ ၉၄၅ မျက်နှာရှိ သဘာဝပတ်ဝန်းကျင် အကျိုးသက်ရောက်မှု အကဲဖြတ်ချက် အစီရင်ခံစာတွင် ဤမျှကြီးမားသော ရေကာတာကြီးကို ဧရာဝတီမြစ်တွင် ဆောက်ရန် မသင့်လျှော်ဟု အကြံပြုခဲ့သည်။ CPI သည် ဧရာဝတီမြစ်နှင့် မြစ်လက်တက် တလျှောက်တွင် ရေကာတာကြီး ၇ ခု ဆောက်လုပ်ရန် စီမံကိန်းချထားသည်။

မြစ်ဆုံ ရေကာတာကို ထောက်ခံတာ ဒီတစ်ခါပဲ တွေ့ဖူးတယ်

၂၀၁၉ ခုနှစ် တွင်ပြီးစီး မည့် မြစ်ဆုံ ရေအား လျှပ်စစ် စီမံကိန်း ကြောင့် ဧရာ ၀တီ မြစ်ဝကျွန်းပေါ် ဒေသ အား ရေလွှမ်း မိုးမှု ဒဏ်မှ ကာကွယ်နိုင်ပြီး လျှပ်စစ် ဓာတ် ထုတ်လုပ် သုံးစွဲနိုင်ခြင်း အပါအ၀င် အခြား အကျိုး ကျေးဇူး များစွာ ရရှိနိုင် ကြောင်း မြန်မာနိုင်ငံ အင်ဂျင်နီယာ အသင်း အတွင်း ရေးမှူး၊ ဆည်မြောင်း ဦးစီး ဌာနမှ အငြိမ်း စား ညွှန်ကြား ရေးမှူး ပါမောက္ခ ဦးခင် မောင်ချစ် ၏ ပြောပြချက် အရ သိရသည်။

မြစ်ဆုံ ရေအား လျှပ်စစ် ထုတ်လုပ် ခြင်း စီမံကိန်း ကြောင့် ဧရာဝတီ မြစ်ဝကျွန်း ပေါ် ဒေသ ရေလွှမ်းမိုး ဒဏ်မှ ကာကွယ် နိုင်ခြင်း၊ လျှပ်စစ်ဓာတ် ထုတ်လုပ် သုံးစွဲ နိုင်ခြင်း၊ ကြီးမားသော ရေကန်ကြီး များ ကြောင့် ငါးမျိုး ပေါက်ပွားမှု များလာခြင်း၊ လယ်ယာ စိုက်ပျိုးရေး ကဏ္ဍ ပိုမို ဖွံ့ဖြိုး တိုး တက် လာနိုင်ခြင်း၊ မြစ် အတွင်း တန်ချိန် များသည့် သင်္ဘောများ သွားလာ နိုင်ခြင်း စသည့် အကျိုး ကျေးဇူးများ ရရှိ နိုင်ကြောင်း သိရ သည်။

“မြစ်ဆုံ ဆည် တည်ဆောက် ခဲ့တာ က ဧရာဝတီ မြစ်အောက် ပိုင်းမြစ်ဝကျွန်း ပေါ် ဒေသကို ရေကြီးမှု ဒဏ်မှ ကာကွယ် ရန်နဲ့ လျှပ်စစ် ဓာတ်အား ထုတ်လုပ် သုံးစွဲ နိုင်ဖို့ အတွက်ပါ။ နွေရာသီ မှာ လျှပ်စစ် ဓာတ်အား ထုတ်လုပ် တဲ့ ရေကြောင့် ဧရာ ၀တီမြစ် ရေတိမ်၊ ရေကြောင်း ကျပ်မှုဖြစ် စဉ် တွေကို သက်သာ လျော့နည်း စေပြီး မြစ်တစ် လျှောက် ဘေး ဘယ်ညာ မှာရှိတဲ့ လယ်ယာ မြေတွေ အတွက် အမြင့် တင်ရေ ရရှိ နိုင်ပြီး သုံး သီးစား အနေနဲ့ စိုက်ပျိုး ထုတ်လုပ် နိုင်မှာပါ။ မြစ်ညာ ပိုင်းရှိ ဆည် တွေ ဖြစ်တဲ့ မြစ်ဆုံ ဆည်၊ မေခဆည်၊ ချင်း တွင်း မြစ်ထမံ သီ ဆည်များ ကြောင့် ပေါ် လာမယ့် recreating site များကြောင့် ဆွဲဆောင်မှု တစ်ရပ် အနေနဲ့လည်း ဖြစ် ပေါ် နိုင်ပါတယ်။ ဒီမဟာ ကန်ကြီး တွေက နေ ငါးပိဿာချိန် သန်း ချီထွက် နိုင်တယ်” ဟု ဦးခင်မောင်ချစ်က ပြောသည်။

၁၉၇၄ ခုနှစ် ဧရာဝတီ မြစ်ရေကြီးမှု ဖြစ်စဉ်တွင် တာမိုင် ၁,၅၀၀ ခန့်သာ ပတ် ကာ ထား ရသော ဧရာဝတီ မြစ်ဝကျွန်း ပေါ် ဒေသ အား ရေလွှမ်း၍ အကြီး အကျယ်ဆုံး ရှုံးမှု များ ဖြစ်ပေါ်ခဲ့ပြီး လူနေ အိမ်ခြေ များ နှင့် စိုက်ပျိုးပြီး စပါးများ၊ လယ်ယာမြေ များ ဆုံးရှုံး ပျက်စီးမှုများ ခဲ့ကြောင်း သိရ သည်။ ထို အချိန် တွင် ဟင်္သာ တစံ နမူနာ ရေမှတ်မှာ ၄၇ ပေ ဖြစ်ပြီး ယခု အခါ မြစ် ဆုံ နှင့် အထက် ဆည်များ သည် မူလစဉ်း စား ထားသည့် အတိုင်း ရေဧက သန်းပေါင်း ၃၀ ကျော် လှောင် နိုင်ပါက အဆိုပါ ဟင်္သာ တ ရေမှတ် သည် ၄၃ ပေထက် မကျော် နိုင် ကြောင်း၊ သို့ဖြစ်၍ ဆိပ်သာ အောက်ပိုင်း ရှိ မြစ်ဝကျွန်း ပေါ် ဒေသ အား ရေကြီးမှု အန္တရာယ် မှ နှစ်စဉ် လိုလို ခြိမ်းခြောက် ခြင်း ခံနေရသည့် ဖြစ်စဉ်များမှ လျော့ပါး ပျောက်ပြယ် သွားစေမည် ဖြစ်ကြောင်း သိ ရသည်။

နွေရာသီတွင် ဧရာဝတီ ရေကြောင်း သည် ပြည် အထက်ဘက် တွင် မတ်၊ ဧပြီ လ များတွင် တန် ၁၀၀ မော်တော် ပင် ဆင်းတက်ရန် အတွက် ရေတိမ် ဒေသဖြစ် ခြင်းနှင့် မြစ်ကြောင်း ကျပ်ခြင်း တို့ကြောင့် အခက် အခဲ ရှိကြောင်း သိရပြီး မြစ်ဆုံ စီမံ ကိန်း ကြောင့် နွေရာသီ တွင် မိုးတွင်းသို လှောင် ထားရေ ဧက ပေသန်း ၃၀ ခန့် အား လျှပ်စစ် ဓာတ်အား ပြန်ထုတ် မောင်း ပေးခြင်း ဖြင့် အဆိုပါ ရေကြောင်း သည် ခြောက်ပေ ထပ်မံ မြင့်တက် လာနိုင်ဖွယ်ရှိ သဖြင့် ဧရာဝတီ မြစ်တွင် တန်ချိန်များ၊ ရေစူးများ သည့် သင်္ဘော များပင် နွေတွင် သွားလာ နိုင်မည် ဖြစ်ကြောင်း ဦးခင်မောင် ချစ်က ဆက်လက် ပြောဆိုသည်။

ဧရာဝတီ အထက် ရေလှောင်ကန် များသည် နွေ ရေကြောင့် မြစ်ရေစစ် ချိန် တွင် cusic ၄၀,၀၀၀ (လေးသောင်း ကုဗပေ/စက္ကန့်) သည် ရေစီး cusic ၃,၀၀,၀၀၀ (သုံးသိန်းကုဗပေ/စက္ကန့်) သို့ တိုး လာမည်ဖြစ်ရာ ဧရာဝတီမြစ်၊ ချင်း တွင်းမြစ်ဝဲ၊ ယာ တို့တွင် အမြင့်တင် လျှပ် စစ်ရေစုပ်စက်ဖြင့် ဧက နှစ်သန်း ကျော် အား သုံးသီးစား စနစ်ဖြင့် စိုက်ပျိုး လာ နိုင်မည် ဖြစ်ကြောင်း သိရသည်။

၂၀၁၁ မြစ်ဆုံ လျှပ်စစ် ဓာတ်အား ထုတ်လုပ်ရေး စီမံကိန်း အား ရေအား လျှပ် စစ် အကောင် ထည် ဖော်ရေး ဦးစီး ဌာနနှင့် တရုတ် နိုင်ငံ အစိုးရ ကုမ္ပဏီ များဖြင့် BOT စနစ်ဖြင့် အကောင်အထည် ဖော်ဆောင် ရွက် နေကြောင်း သိရသည်။

မြစ်ဆုံ ဆည် စီမံကိန်း၏ ရေဆင်း ဧရိယာ (catchment area) သည် 18,000 square မိုင်ရှိကြောင်း၊ မြစ်ဆုံ အထက်ပိုင်း တွင် လူနေ ကျဲပါး မှုကြောင့် ရွှေ့ပြောင်းရမည့် အိမ်ခြေနှင့် လူဦးရေ စာရင်းမှာ နည်းပါး မည်ဖြစ်ကြောင်း သိရ သည်။ မြစ်ဆုံ နေရာတွင် ဧရာဝတီမြစ် ရေစီးအား သည် ပျမ်းမျှ တစ်နှစ်လျှင် ဧက ပေသန်း ၉၀ ခန့် ရှိရာ ရေလှောင်ခြင်း ကြောင့် အနည်းဆုံး သန်း ၃၀ မှ ၅၀ ဧက ပေခန့် ရရှိရန် လိုအပ်မည် ဖြစ်ကြောင်း၊ အဆိုပါ တမံများ အောက်ရှိ ဧရာဝတီမြစ်၊ ချင်းတွင်းမြစ် များသည် မကြာခဏ ကြုံ တွေ့ ရသည့် ရေကြီးမှု ဘေးအန္တရာယ် မှ ကင်းလွတ် နိုင်ဖွယ် ရှိကြောင်း၊ ရေကြီးမှု ဖြစ်စဉ် ကြောင့် ရေမြှုပ်ခံ ဧက များမှာလည်း နည်းပါး သွားဖွယ် ရှိကြောင်း နှင့် ကြီးမား သော ရေကန်ကြီး ကြောင့် သဘာဝမျိုးငါး ပေါက်ပွား မှုမှာ များပြား လာနိုင်ကြောင်း ဆရာ ဦးခင်မောင်ချစ်က မြစ်ဆုံ လျှပ်စစ် ဓာတ်အား ထုတ်လုပ်ရေး စီမံကိန်း နှင့်ပတ် သက်၍ သုံးသပ် ပြောဆိုသည်။

၂၀၀၆ ခုနှစ် တွင် ဆည်မြောင်း ဦးစီး ဌာနမှ ဧရာ ၀တီ မြစ်ဆုံ ကြံဆ ချက်အရ မြစ်ဆုံ အောက် တန်ဖဲရွာ အနီးတွင် ပေ ၅၅၀ မှ ၆၀၀ အမြင့်ရှိ မြစ်ဆုံ တမံ တွင် ရေလှောင် ဧကပေ ၃၄ သန်းဖြင့် ကြံဆ ခဲ့ကြ ကြောင်း ကိုလည်း ဆည်မြောင်း ဦးစီး ဌာန အငြိမ်းစား ညွှန်ကြားရေးမှူး ကဆိုသည်။

ဒုတိယ ကမ္ဘာစစ် မတိုင်မီ ကတည်း က မြန်မာနိုင်ငံ ၏ အသက် သွေးကြောဟု တင်စား နိုင်သည့် ဧရာဝတီမြစ် အထက် ပိုင်း သင့်လျော်သည့် နေရာ များတွင် တမံ ပိတ်ရေလှောင်ခြင်း ဖြင့် နိုင်ငံ အတွက် အကျိုး ရှိစွာ ကြံဆ ရည်ရွယ် ထားခဲ့ကြောင်း သိရသည်။

ဗိုဟိန်(မြစ်မခ)

မှတ်ချက်။              ။ ဒီလူ ရူးနေလို့ ဒီလို ပြောတာ ဖြစ်လိမ့်မယ်
ဧရာဝတီချစ်သူ

မြစ်ဆုံ ရေအားလျှပ်စစ် လုပ်ငန်းခွင် ဗုံးပေါက်ကွဲ

Saturday, April 17, 2010

VOA | ကချင်ပြည်နယ် မြစ်ဆုံရေကာတာ တည်ဆောက်ရေးလုပ်ငန်းကို အကောင်အထည် ဖော်နေတဲ့ Asia World ကုမ္ပဏီရုံးမှာ ဒီကနေ့မနက် အစောပိုင်းက အနည်းဆုံး ဗုံး ၄ လုံးလောက် ဆက်တိုက်ပေါက်ကွဲခဲ့ပြီး အဆောက်အဦးနဲ့ မော်တော်ယာဉ်အချို့ ပျက်ဆီးခဲ့ပါတယ်။ ဒေသခံတွေကတော့ သေဆုံး ထိခိုက်သူတွေ ရှိတယ်လို့ လည်းပြောပါတယ်။ ဒီသတင်း အပြည့်အစုံကိုတော့ ထိုင်းအခြေစိုက် သတင်းထောက် ကိုမိုးဇော် က တင်ပြထားပါတယ်။

အခုလို ဗုံးတွေ ဆက်တိုက်ပေါက်ကွဲခဲ့တာကတော့ ဒီကနေ့ မနက်အစောပိုင်း ၂ နာရီ ၄၅ မိနစ် လောက်မှာ ကချင်ပြည်နယ်တွင်းမှာ ပေါက်ကွဲခဲ့တာဖြစ်ပြီး ဒါဟာ ဒီတပတ်အတွင်း မြန်မာပြည်မှာ ဒုတိယအကြိမ်ပေါက်ကွဲတာလည်း ဖြစ်ပါတယ်။ ဒီလိုပေါက်ကွဲတဲ့ နေရာကတော့ မေခနဲ့မလိခ မြစ်ဆုံဒေသမှာ အခြေစိုက်ပြီး ရေအားလျှပ်စစ်စီမံကိန်းကို တာဝန်ယူဆောက်လုပ်နေတဲ့ Asia World ကုမ္ပဏီရုံးအဆောက်အဦမှာ ဖြစ်တယ်လို့ ကချင်လူမှုဖွံ့ဖြိုးရေး ကွန်ယက်အဖွဲ့က ကိုအောင်ဝါက အခုလိုပြောပါတယ်။

"ကျိန်ခရမ် လုံဂါဆိုတဲ့နေရာမှာပဲ။ မြစ်ဆုံရေကာတာ တည်ဆောက်မယ့်နေရာမှာ တန်ဖဲ အောက်ဖက်မှာ၊ ၆ မိုင်အကွာမှာ ရှိတဲ့နေရာမှာ ဖြစ်တယ်။ Asia World ရုံးရှေ့မှာဖြစ်တယ်။ Asia World ကနေ တာဝန်ယူပြီး မြစ်ဆုံရေကာတာ တည်ဆောက်နေတဲ့နေရာ ဖြစ်တယ်။ Asia World ရုံးက နှစ်ထပ်ရှိတဲ့ဟာလည်း ပျက်ဆီးနေပြီ။ အထိအခိုက်တော့ ၁ ယောက်ကနေ ၄ ယောက်အထိ သေတယ်လို့ ကြားနေရတယ်။ ဒဏ်ရာရတာ ၂၀ ကျော်လို့ ကြားနေရပါတယ်။ ဗုံးကတော့ ၃ လုံး အထက်လို့ ပြောနေတယ်။"

မြစ်ကြီးနားဒေသခံ တယောက်ကတော့ ဗုံး ၈ လုံးလောက်ထိ ကွဲတယ်လို့ ကြားသိရပေမဲ့ အသေအပျောက် ရှိတယ်ဆိုတာ မကြားရဘူးလို့ ပြောပါတယ်။

"၈ လုံးလောက်တော့ လို့တော့ကြားတယ်။ ၄ နေရာမှာ ၈ လုံးလောက်တော့ ကြားတယ်။ အထိအခိုက်တော့ မရှိဘူးလို့ ပြောတယ်ရှင့်။ အထိအခိုက်တော့ မရှိဘူး။ တရုတ်ကား ၄ စီးနဲ့ Asia World က ကား ၄ စီးပေ့ါနော်၊ အဲလိုမျိုး ပျက်ဆီးသွားတယ်ကြားတယ်။"

မြစ်ကြီးနားမြို့က ရဲစခန်းကို ဆက်သွယ်မေးမြန်းရာမှာတော့ တာဝန်ကျရဲအရာရှိက တစုံတရာ ပြောဆိုဖို့ ငြင်းဆိုပါတယ်။

"ဟုတ်ကဲ့။ ကျနော်တို့က လုံခြုံရေးအရ ပြောခွင့်မရှိလို့ပါခင်ဗျ။"

ဒေသခံတွေကတော့ အခုချိန်ထိ ဗုံးခွဲတဲ့တရားခံကို ဖမ်းဆီးရမိတာမရှိသေးသလို ဘယ်သူ့လက်ချက် ဖြစ်တယ်ဆိုတာလည်း အာဏာပိုင်တွေက ထုတ်ဖော်ပြောဆိုတာကို မကြားသိရသေးဘူးလို့ ပြောပါတယ်။

နောက်ဆုံး ရရှိတဲ့သတင်းအရဆိုရင် မွန်းလွဲပိုင်းမှာ မြောက်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ် စိုးဝင်း ကိုယ်တိုင် အခင်းဖြစ်ပွားရာနေရာကို သွားရောက် စစ်ဆေးကြည့်ရှုနေပြီး သူသွားရာ လမ်းတလျောက်နဲ့ မြစ်ဆုံဒေသမှာ လုံခြုံရေး အများအပြား ချထားတယ်။ ဒါ့အပြင် ရေကာတည်ဆောက်ရေးမှာ လာရောက် အလုပ်လုပ်ကိုင်နေတဲ့ တရုတ် နိုင်ငံသား အများအပြားလည်း မြစ်ကြီးနားမြို့ဘက်ကို ပြောင်းရွှေ့နေတယ်လို့ သိရပါတယ်။

မြစ်ဆုံ ရေအားလျှပ်စစ်စီမံကိန်းကို Asia World ကုမ္ပဏီနဲ့ တရုတ်နိုင်ငံက China Power Investment Corporation (CPI) တို့က ပူးပေါင်းတည်ဆောက်နေပြီး ရရှိတဲ့ လျှပ်စစ်ဓါတ်အားကိုတော့ တရုတ်နိုင်ငံကို တင်ပို့မှာဖြစ်ပါတယ်။

မြစ်ဆုံရေကာတာ စီမံကိန်းနဲ့ပတ်သက်ပြီး စောင့်ကြည့်လေ့လာနေတဲ့ ကချင်သဘာဝ ပတ်ဝန်းကျင် အဖွဲ့ကတော့ ဒီရေကာတာစီမံကိန်းကြောင့် အနည်းဆုံး ကျေးရွာ ၆၀ ကျော် နဲ့ လူ ၃ သောင်းလောက် ပြောင်းရွှေ့ရနိုင်တယ်လို့ ခန့်မှန်းပါတယ်။

ဒေသခံ ကချင်ပြည်သူတွေနဲ့ ဘာသာရေးအသင်းအဖွဲ့တွေက မြစ်ဆုံရေကာတာ တည်ဆောက်မယ်ဆိုရင် သူတို့နေထိုင်ရာ ကျေးရွာတွေ၊ လယ်ယာနဲ့ ဥယျာဉ်ခြံမြေတွေ ရေလွှမ်းမိုးမှာဖြစ်သလို ရိုးရာယဉ်ကျေးမှု အမွေအနှစ်တွေလည်း ပျက်ဆီးရမှာမို့ ရေကာတာ မတည်ဆောက်ဖို့အတွက် ဗိုလ်ချုပ်မှုးကြီး သန်းရွှေဆီကို စာရေးသားပေးပို့ခဲ့ပါတယ်။ ရေကာတာ မဖြစ်မြောက်ရေးအတွက်လည်း ဆုတောင်းပွဲတွေ ဆုတောင်းပွဲတွေ အကြိမ်ကြိမ် ပြုလုပ်ခဲ့ကြပါတယ်။

ဒေသခံကချင်လူထုတွေက ရေကာတာမတည်ဆောက်ဖို့ ကန့်ကွက်ခဲ့တာကြောင့် အခုလို ဗုံးပေါက်ကွဲချိန်မှာ အာဏာပိုင်တွေက သူတို့အပေါ် ဖိအားပေးလာမှာကိုလည်း စိုးရိမ်နေတယ်လို့ ကိုအောင်ဝါက ပြောပါတယ်။

လွန်ခဲ့တဲ့ သင်္ကြန်အကြတ်နေ့တုန်းကလည်း ရန်ကုန်မြို့ မင်္ဂလာတောင်ညွန့်မြို့နယ် ကန်တော်ကြီးအနီးက X2O ရေကစားမဏ္ဍပ်မှာ ဗုံးသုံးလုံး ပေါက်ကွဲခဲ့တာကြောင့် လူ ၈ ယောက် သေဆုံးပြီး ၁၇၀ ယောက် ဒဏ်ရာရခဲ့ပါတယ်။

ဒီနေ့ထုတ် ကြေးမှုံသတင်းစာမှာတော့ ဒဏ်ရာရလို့ ဆေးရုံတက်နေသူ လူ ၁၇၀ အနက်က ၅၅ ဦးဟာ သက်သာပြီဖြစ်တာကြောင့် ဆေးရုံကဆင်းသွားကြောင်း ဖော်ပြပေမဲ့ တရားခံကို ဖော်ထုတ်ရမိတယ် ဆိုတဲ့သတင်းတော့ မတွေ့ရသေးပါဘူး။

မြစ်ဆုံ ရေကာတာစီမံကိန်း ဖွင့်ပွဲ ပြုလုပ်မည့်နေ့တွင် ရေကာတာ ဆန့်ကျင်ရေး လှုပ်ရှားမှု ပြုလုပ်

တနင်္လာနေ့၊ ဒီဇင်ဘာလ 21 ရက် 2009 ခုနှစ် သတင်း - သတင်းနှင့်မီဒီယာကွန်ယက်

ကချင်ပြည်နယ် အထက်ပိုင်း၊ ဧရာဝတီ မြစ်ဆုံဒေသတွင် ယနေ့ ပြုလုပ်မည့် ရေအားလျှပ်စစ် စီမံကိန်းဖွင့်ပွဲကို ဆန့်ကျင်သည့် အနေဖြင့် ကချင်ပြည်လုံးဆိုင်ရာ ကျောင်းသားများ သမဂ္ဂက ဦးဆောင်ပြီး ပိုစတာကပ် လှုပ်ရှားမှုများ...

ကချင်ပြည်နယ်အထက်ပိုင်း၊ ဧရာဝတီမြစ်ဆုံဒေသတွင် ယနေ့ပြုလုပ်မည့် ရေအားလျှပ်စစ် စီမံကိန်းဖွင့်ပွဲကို ဆန့် ကျင်သည့်အနေဖြင့် ကချင်ပြည်လုံးဆိုင်ရာ ကျောင်းသားများ သမဂ္ဂက ဦးဆောင်ပြီး ပိုစတာကပ် လှုပ်ရှားမှုများ ယနေ့မနက်တွင် ပြုလုပ်ခဲ့သည်။

မြစ်ကြီးနားမြို့တွင်း ရပ်ကွက်နှင့် မြစ်ကြီးနားမြို့အထက်ပိုင်း အူဗျစ်၊ အာလန်၊ ဒွန်ဂန်၊ ကျိန်ခရမ်၊ လုံဂါစွပ်၊ တန်ဖဲ ကျေးရွာတို့တွင် မြစ်ဆုံရေကာတာ စီမံကိန်း ဆန့်ကျင်သည့် ပိုစတာကပ်လှုပ်ရှားမှုများ ပြုလုပ်ခဲ့သည်။

အေဖိုးဆိုဒ်စာရွက်တွင်  မြစ်ဆုံရေကာတာ အလိုမရှိ၊ အေးရှားဝေါလ်၊ CIP အလိုမရှိ စသည်များကို ဆော့ပင်ဖြင့် ရေးသားကာ အဆိုပါ ဒေသများအတွင်း ကပ်ခဲ့ကြသည်ဟု ကချင်ပြည်လုံးဆိုင်ရာ ကျောင်းသားများ သမဂ္ဂက တာဝန်ရှိသူ ကျောင်းသားတဦးက ပြောသည်။

“ဒီကနေ့က လုံဂါစွပ်ကျေးရွာမှာ ရေကာတာစီမံကိန်း ဖွင့်ပွဲလုပ်တယ်။ အဲဒါကြောင့် အထက်ပိုင်းမှာ ရှိတဲ့ အူဗျစ်၊ အာလန်၊ ဒွန်ဂန်၊ ကျိန်ခရမ်၊ လုံဂါစွပ်၊ တန်ဖဲ ကျေးရွာ တွေနဲ့ မြို့တွင်းမှာ မြစ်ဆုံရေ ကာတာ အလိုမရှိ၊ အေးရှားဝေါလ်၊ CIP အလိုမရှိ၊ အောက်မှာ AKSU ဆိုပြီး ရေးထားတဲ့ စာရွက်တွေ ကို ကပ်ခဲ့တယ်။ ဖွင့်ပွဲကတော့ ဒီမနက် လုံဂါစွပ်မှာ လုပ်မှာ။ အဆောက်အဦ အကြီးကြီး ဆောက်ထား ပြီးပြီ။”

ယနေ့ပြုလုပ်မည့် မြစ်ဆုံရေကာတာ စီမံကိန်းဖွင့်ပွဲသို့ ဒေသခံလူထုများကို မတက်မနေရ တက်ခိုင်းသည်ဟု အဆိုပါ ကချင်ကျောင်းသားက ပြောသည်။

“အဲဒါကို ကျေးရွာတွေက လူ(၅ဝ)စီ မတက်မနေရ ခေါ်ထားတယ်။ ကချင်ဝတ်စုံနဲ့ပေါ့၊ ရိုးရာဝတ်စုံ တွေနဲ့၊ လီးဆူဆို လီစူး ဝတ်စုံပေါ့၊ မတက်ရင် လျော်ကြေးလုံးဝ မပေးဘူးလို့ ပြောနေတယ်။ မြစ်ကြီး နားမြို့နယ် မယကက အမိန့်နဲ့ တက်ခိုင်းနေတယ်။”

မြစ်ဆုံရေကာတာ စီမံကိန်းကို အေးရှားဝေါလ်ကုမ္ပဏီနှင့် China power Investment (CPI) ကုမ္ပဏီတို့က တာဝန်ယူ ဆောက်လုပ်မည် ဖြစ်ပြီး အဆိုပါ စီမံကိန်းကြောင့် ဒေသအတွင်းရှိ ကျေးရွာများနှင့် ဥယျာဉ်ခြံမြေများ ရေလွှမ်းမိုးမှုခံရမည်ဖြစ်သည်။

ဒေသခံများ၏ နစ်နာမှုအတွက် ကုမ္ပဏီများက လျော်ကြေးပေးမည်ဟု ပြောဆိုထားသော်လည်း မည်မျှ လျော်ပေးမည်ဆိုသည်ကို ယနေ့အချိန်အထိ မပြောသေးပါ။

မြစ်ဆုံရေကာတာစီမံကိန်းကြောင့် ကချင်တိုင်းရင်းသားများ အထူးတန်ဘိုးထားသည့် မြစ်ဆုံဒေသ ပျောက်ကွယ်သွားမည်ဖြစ်သလို လူနေအိမ်များ နေရာရွေ့ပြောင်း ပေးရမည့် အပြင် ဒေသခံတို့၏  ဥယျာဉ်ခြံများ ဖျက်ဆီးခြင်း ခံရမည် ဖြစ်သည့်အတွက်  ဒေသခံလူထုများ မကျေမနပ်ဖြစ်နေကြသည်။

ကချင်ပြည်လုံးဆိုင်ရာ ကျောင်းသား သမဂ္ဂကလည်း မကြာခဏဆိုသလို မြစ်ဆုံရေကာတာ ဆန့်ကျင်ရေး လှုပ်ရှားမှုများ ပြုလုပ်နေခဲ့သည်။

Save the Irrawaddy အကြောင်း

Save the Irrawaddy သည် မည်သည့် အဖွဲ့စည် မည်သူတစ်ဦးတစ်ယောက်၏ လက်အောက်ခံ မဟုတ်ပါ။ ဧရာဝတီကို မြစ်ကို ချစ်သော မြန်မာနိုင်ငံသား တစ်ယောက်၏ ခံစားချက် သက်သက်သာ ဖြစ်ပါသည်။ ဧရာဝတီကို ချစ်သူ မည်သူမဆို ပူးပေါင်းပါဝင်နိုင်ပါသည်........

မြစ်ဆုံဆည်ကို ဘာကြောင့်ကန့်ကွက်တာလဲ

တရုတ်နဲ့ အာဆီယံအရေး လေ့လာသုတေသနပြုနေတဲ့ အမေရိကန်နိုင်ငံ ကယ်လီဖိုးနီးယား တက္ကသိုလ် ဘာကလေက ဦးမင်းဇင်ကို မြစ်ဆည်ရဲ့ ကောင်းကျိုး ဆိုးကျိုးများ အကြောင်းကို VOA က ဆက်သွယ်မေးမြန်းထားတာပါ။

ဦးသန်းလွင်ထွန်း ။ ။ ကချင်ပြည်နယ် မြစ်ဆုံမှာ တည်ဆောက်နေတဲ့ ရေအားလျှပ်စစ် ထုတ်လုပ်ရေး ရေကာတာကြီးဟာ အလွန်အန္တရာယ်ကြီးမားတဲ့အတွက် လုပ်ငန်းဆက်လက် မလုပ်ဆောင်သင့်ကြောင်း လေ့လာချက်အစီရင်ခံစာတခုက ၂၀၀၉ ခုနှစ်ကတည်းက အဆိုပြုထားပေမယ့် ဒီလုပ်ငန်းမှာ ရင်းနှီးမြုပ်နှံထားတဲ့ တရုတ်အစိုးရနဲ့ မြန်မာအစိုးရဘက်ကပါ လစ်လျူရှုခဲ့ပါတယ်။ တရုတ်နဲ့ မြန်မာပညာရှင်တွေ ကွင်းဆင်းလေ့လာပြီး တင်ပြခဲ့တဲ့ ဒီအစီရင်ခံစာကို လူသိရှင်ကြား ထုတ်ပြန်ကြေညာခဲ့ခြင်း မရှိပါဘူး။ ဒီ အစီရင်ခံစာကို မကြာခင်ကမှ ရရှိဖတ်ရှုခဲ့ရတယ့် တရုတ်နဲ့ အာဆီယံအရေး လေ့လာသုတေသန ပြုနေတဲ့ အမေရိကန်နိုင်ငံ UC Berkeley တက္ကသိုလ်က ဦးမင်းဇင်း က ဗွီအိုအေ ကို အောက်ပါအတိုင်း ပြောဆိုပါတယ်။

ဦးမင်းဇင် ။ ။ ပထမဆုံး တွေ့တာကတော့ စာမျက်နှာ (၉၀၀) ကျော်လောက်ဆိုတော့ ချက်ချင်း မဖတ်ဖြစ်ဘူး။ နောက်တော့ ဖတ်ကြည့်လိုက်တဲ့အခါမှာ အစောပိုင်းကလည်း သိပ်ပြီးတော့ တရုတ်ပညာရှင်တွေက အဓိကရေးတယ်ဆိုတော့ စိတ်ထဲမှာလည်း တရုတ်ပြည်ဆိုတော့ သာသာထိုးထိုး ရေးမှာပဲဆိုပြီး ကျနော်က ယူဆထားတာ။ အဲဒီ ယူဆချက်နဲ့ ဖတ်တာ ဖတ်ရင်းနဲ့ တခါမှ မကြားဘူးတဲ့ အချက်အလက်တွေ သိခဲ့ရတယ်။

ဥပမာ ဒီ မြစ်ဆုံရေကာတာ (၇) ခု ဆောက်တဲ့အထဲမှာ ရေကာတာ တခုတည်းကိုက စင်္ကာပူထက် ပိုပြီးကြီးတယ်။ နယူးရော့ခ်မြို့ ကြီးတမြို့ စာလောက်ရှိတယ်။ ကမ္ဘာပေါ်မှာ (၁၅) ခုမြောက် အကြီးဆုံး ရေအားလျှပ်စစ် ရေကာတာကြီးဖြစ်မယ်။ ဒါမျိုးတွေ ကြားရတယ်။ အဲဒါမျိုးကြားရတဲ့အပြင် အဆိုးဆုံး ကြားရတာက အခုနပြောသလို ဒီကရမယ့် ရေအားလျှပ်စစ်ကို တစ်ရာ ရာခိုင်နှုန်းလုံး တရုတ်ပြည်ကပဲ အကျိုးကျေးဇူးရမယ်။ ဒီဖက်နောက်ပိုင်း သတင်းကြားရတာက ၉၉% တရုတ်ပြည်ဖက်ကို ရောင်းပြီး မြန်မာပြည်ကိုတော့ ၁% ပြန်ရောင်းမယ်လို့ သတင်းကြားရတယ်။

အဲဒီလိုမျိုးဟာတွေ ကြားရတယ်။ ပိုဆိုးတာက ဒီ ရေကာတာကြီးဟာ စစ်ကိုင်းပြတ်ရွေ့ ကြော လို့ခေါ်တဲ့ ငလျင်ကြောကြီးနားမှာ ရှိတယ်။ ဒီဟာကလည်း အာရှတိုက်မှာ ငလျင်တွေ မကြာခဏ လှုပ်တဲ့အတွက်မို့ ဒီဟာက အန္တရာယ်များတယ်လို့ ပညာရှင်တွေက သုံးသပ်ကြတယ်။ ဒီ ငလျင်ကြောကြီးက ပျက်ရွေ့ ကြောကြီးက တခုခုများ ဖြစ်ခဲ့ရင် ရေကာတာကြီး ပြိုသွားနိုင်တယ်။ အဲဒီလို မဟုတ်ဘဲနဲ့ ရေကာတာ ရေလှောင်ကန်ကြီးက အခုနပြောသလို စင်္ကာပူနိုင်ငံထက်ကြီးတဲ့အခါကြတော့ အဲဒီလောက်ကြီးတဲ့ဟာကြီးကနေ ရေပမာဏကြောင့်လည်း ပြတ်ရွေ့ ကြောကိုသွားပြီး လှုံဆော်သလို ဖြစ်နိုင်တယ်။

ဒီလိုဖြစ်ပြီး ရေကြီးလို့ရှိရင် မြစ်ကြီးနားမြို့ ကြီးက စက္ကန့် (၂၀) အတွင်း ရေမြုပ်နိုင်တယ်လို့ ပညာရှင်တွေပြောတာကို ကြားရတော့ အင်မတန်မှပဲ တုန်လှုပ်ပါတယ်။

ဦးသန်းလွင်ထွန်း ။ ။ ဒီ လေ့လာမှုအစီရင်ခံစာရဲ့  နံမည်ကိုက တည်ဆောက်မယ့် ရေကာတာတွေရဲ့  သဘာဝပတ်ဝန်းကျင်အပေါ်ကို ဘယ်လောက်အထိ သက်ရောက်မှု ရှိနိုင်မလဲကို ကြိုတင်ခန့်မှန်းချက်။ ဒီလို သဘာဝပတ်ဝန်းကျင်ပေါ် သက်ရောက်မှုကြိုတင်ခန့်မှန်းချက်တွေကို တကယ်တမ်းကြတော့ အကုန်အကျခံပြီးတော့ အစီရင်ခံစာရေးခိုင်းတာလည်း China Power Investment Cooperation ခေါ် CPI ကော်ပရေးရှင်းကပဲ လုပ်တာဆိုတော့ ဒီ ကော်ပရေးရှင်းအနေနဲ့ မူလ ရည်မှန်းချက်ဖြစ်တဲ့ ဒီလို လေ့လာမှုတွေလုပ်ခိုင်းပြီးတော့ ဒီ လေ့လာမှုအစီရင်ခံစာကနေ ကြိုတင်ခန့်မှန်းပြီး တင်ပြတဲ့အချက်တွေကို လိုက်နာရမယ့် တာဝန် သူတို့မှာ မရှိဘူးလား။

ဦးမင်းဇင် ။ ။ ကျနော်သိသလောက်တော့ တရုတ်အစိုးရနဲ့ မြန်မာအစိုးရတို့မှာ ဒီလိုမျိုးဟာတွေကို လိုက်နာဖို့အတွက် တာဝန်ခံထားတာ မရှိဘူးလို့ သိရပါတယ်။ ဒါပေမဲ့ ဒီ အစီရင်ခံစာကလည်း ယေဘုယျ လိုက်နာရမယ့် စမ်းစစ်တဲ့အချက် (၁၀) ချက် ရှိပါတယ်။ အဲဒီ အချက် (၁၀) ချက်ထဲမှာမှ အချက် တစ်ခုကိုပဲ စမ်းစစ်ရသေးတာဖြစ်ပါတယ်။ အဲဒီ ရေကာတာဆောက်မယ့် ဧရီယာ ပတ်ဝန်းကျင်ကိုပဲ စမ်းစစ်ရသေးတာ ဖြစ်ပါတယ်။ ကျန်တဲ့ မြစ်အကြေပိုင်း ဧရာဝတီမြစ်အကြေပိုင်းတို့၊ ဧရာဝတီမြစ်ဝကျွန်းပေါ်ပိုင်းတို့ ကျန်တဲ့အကြောင်းအချက်တွေ အများကြီးရှိတယ်။ အဓိကအချက် (၉) ချက်။ အဲဒါတွေကို မလေ့လာရသေးဘူး။

ပထမ တချက်တည်းနဲ့ပင် တရုတ်အစိုးရက အခုနပြောတဲ့ CPI ကလည်း တရုတ်အစိုးရပိုင်း ကုမ္မဏီဖြစ်ပါတယ်။ တရုတ်အစိုးရနဲ့ မြန်မာအစိုးရတို့က တခါတည်း ဒါကတော့ အခြေအနေ မဟန်တော့ဘူးလို့ထင်ပြီး ကျန်တဲ့လေ့လာမှုတွေကို ဆက်မလုပ်ခိုင်းဘဲ ရပ်လိုက်တာလို့ ကြားသိရပါတယ်။

ဦးသန်းလွင်ထွန်း ။ ။ ဒီ အစီရင်ခံစာ စပြီးထွက်တဲ့ ပြုစုပြီးတဲ့အချိန်က ၂၀၀၉ ခုနှစ်။ အဲဒီ ၂၀၀၉ ခုနှစ်နောက်ပိုင်းမှာ မြစ်ဆုံရေကာတာလုပ်ငန်းတွေကလည်း စတင်နေပြီ။ တခြား ရေကာတာလုပ်ငန်းတွေကလည်း စတင်နေပြီဆိုတော့ ဒီ အစီရင်ခံစာကို လုံးဝလစ်လျူရှုပြီးတော့ အလုပ်တွေကို ဒီအတိုင်းပဲ မျက်စိမှတ်ပြီတော့ လုပ်နေတဲ့သဘောကို ဆိုလိုချင်တာလား။

ဦးမင်းဇင် ။ ။ တချို့ အပိုင်းတွေမှာ လိုက်နာမှုရှိကောင်းရှိလိမ့်မယ်။ ဥပမာ ကျနော်ကြားတာက တရုတ်ပညာရှင်တွေနဲ့ တရုတ်အာဏာပိုင်တချို့ နဲ့ စကားပြောတဲ့အခါမှာ သူတို့ပြောတာက ဥပမာဆိုရင် မြန်မာရွှေ့ ပြောင်းခံရတဲ့ လယ်သမားတွေ၊ ကချင်ဒေသခံ တိုင်းရင်းသားတွေကို လျှော်ကြေးပေးတယ်။ အစီရင်ခံစာကတော့ ၁၀% လောက်တော့ ရင်းနှီးမြုပ်နှံမှုရဲ့  ၁၀% လောက်ကို လျော်ကြေးပေးခိုင်းပါတယ်။ ဒါပေမဲ့ တရုတ်အစိုးရကတော့ ဒါကို ၅% ပေးတယ်လို့ သိရပါတယ်။

ဒါပေမဲ့လည်း တကယ့်တကယ် ပေးတဲ့ငွေတွေကို ဘယ်လိုဖြန့်ဝေသလဲဆိုတဲ့အခါကြတော့ မြန်မာနိုင်ငံမှာ စစ်အစိုးရနဲ့ သူ့ရဲ့  အာရှ Aisa World ကုမ္မဏီကနေ ဖြန့်ဖြူးတာဖြစ်တဲ့အတွက် လက်တွေ့မှာတော့ ဒေသခံလူထုတွေ ထင်သလောက်မရဘူး။ မရဘဲနဲ့ အခွင့်အရေးချိုးဖောက်မှုတွေ ပိုများတယ်ဆိုတာကို သတင်းစာဆရာတွေနဲ့ အန်ဂျီအိုသမားတွေက အထောက်အထားနဲ့ တင်ပြတာတွေ ရှိပါတယ်။

ဦးသန်းလွင်ထွန်း ။ ။ အဲဒါ လူတွေရွှေ့ ပြောင်းခံရတဲ့ကိစ္စအပေါ်မှာပဲ အရေးယူမှု ထည့်တွက်မှု တစိတ်တပိုင်းရှိပြီတော့ အစောက ကိုမင်းဇင်း ပြောတဲ့ အစီရင်ခံစာထဲမှာ ကြိုတင်ပြီး သတိပေးထားတဲ့ ငလျင်ပြတ်ရွေ့ ကြောကြီးပေါ်မှာ ရှိနေတဲ့အတွက် အန္တရာယ်ကြီးမားတဲ့အခြေအနေ။ ဒါမှမဟုတ်လို့ ရေကာတာကြီးဆောက်မယ့် ဧရီယာပမာဏက သိပ်ကြီးမားတော့ ရေကာတာကြီးမှာ စုဆောင်းလာမယ့် ရေကြောင့် ငလျင်ကြောကြီးကို သွားပြီးတော့ လှုံဆော်သလို ဖြစ်သွားနိုင်မယ့် အခြေအနေ။ တကယ်လို့များ ကျိုးပေါက်သွားရင် အကြေ မြစ်ခြေဘက်မှာ ရေလွှမ်းခံရမယ့်အခြေအနေ။ ဒါတွေအကုန်လုံးကိုက ပြည်သူလူထုကိုရော လူသိရှင်ကြား အသိပေးမှုတွေ၊ ဒါမှမဟုတ် ကြိုတင်တိုင်ပင်မှုတွေ မရှိဘူးလား။

ဦးမင်းဇင် ။ ။ ဒီ အစီရင်ခံစာရဲ့  သူတို့ပြောတဲ့ အရေးကြီးဆုံး အကြံပြုချက်က ဘာလဲဆိုတော့ ရေကာတာ (၇) ခု ဆောက်မယ့် စီမံကိန်းကို လုံးဝဖျက်သိမ်းပါလို့ အကြံပြုပါတယ်။ အကယ်၍ မဖျက်သိမ်းနိုင်လို့ ဆက်ဆောက်ချင်တယ်ဆိုရင်(၇) ခု ဆောက်စရာမလိုဘူး။

အထူးသဖြင့် မြစ်ဆုံမှာ ဆောက်စရာမလိုဘဲနဲ့ မေခ-မလိခ နေရာမှာ အငယ်စား ရေကာတာလေး နှစ်ခု ဆောက်လို့ရပါတယ်။ အဲဒီ အငယ်စား ရေကာတာလေး နှစ်ခု ဆောက်ရင်လည်း။ ဒါက ရေကာတာ (၇) ခု ဆောက်ရင်ရမယ့် လျှပ်စစ်စွမ်းအင် ပမာဏကို မလျော့ဘဲ ရစေနိုင်တယ်လို့ ပညာရှင်တွေက သုတေသနပြု တင်ပြကြပါတယ်။ သဘောကတော့ ဒါကို ဖျက်ပါ။ မဖျက်နိုင်ရင် အငယ်စား နှစ်ခုဆောက်ပါပေါ့။ အဲဒါကို အဓိကအကြံပြုချက်ကို မြန်မာစစ်အစိုးရနဲ့ တရုတ်အာဏာပိုင်းတွေက လုံးဝလစ်လျူရှုတာကို တွေ့ရပါတယ်။

ဦးသန်းလွင်ထွန်း ။ ။ ဒီနေရာမှာ နှစ်ပိုင်း - တပိုင်းက ဘာလဲဆိုတော့ တရုတ်အစိုးရနဲ့ တရုတ် CPI - ရေကာတာ ဆောက်ပြီးရင်ရရှိမယ့် လျှပ်စစ်စွမ်းအားနဲ့ အကျိုးအမြတ်နဲ့ သူတို့ရဲ့  ရင်းနှီးမြုပ်နှံမှုတွေက တရုတ်ပြည်အတွက် အဓိကဖြစ်နေတော့ သဘာဝဘေးအန္တရာယ်ခံရမယ့် အခြေအနေတွေက ဗမာပြည်အတွင်းမှာ ဖြစ်နေတော့ သူတို့အနေနဲ့ ဂရုမစိုက်ဘူးထားလိုက်ပါ။ ဒါပေမဲ့လည်း တဖတ်မှာပါဝင်နေတဲ့ မြန်မာအစိုးရပိုင်း။ အခု မြစ်ဆုံရေကာတာ စီမံကိန်းမှာ မြန်မာအစိုးရပိုင်းနဲ့ တခြား ပုဂ္ဂလိကပိုင်းတွေ မြန်မာပိုင်းက ရင်းနှီးမြုပ်နှံနေတဲ့ ဦးဆောင်ပြီးလုပ်နေတဲ့လူတွေအနေနဲ့ကော ဗမာနိုင်ငံပိုင်းမှာ၊ ကိုယ့်နိုင်ငံအတွင်းမှာ ဖြစ်မယ့် ရေရှည်ထိခိုက်မှုတွေကို သူတို့အနေနဲ့ ထည့်တွက်မှုမရှိဘူးလား။

ဦးမင်းဇင် ။ ။ တကယ်တော့ ဝမ်းနည်းစရာကောင်းတာက တရုတ်ပညာရှင်တွေရဲ့  အချက်အလက်အရပဲ ရမယ့်အကျိုးအမြတ် ၇၀% ကို တရုတ်နိုင်ငံက ယူမှာဖြစ်ပြီးတော့ သူတို့က ၃.၆ ဘီလီယံ ရင်းနှီးမြုပ်နှံထားတော့ ရမယ့်အကျိုးအမြတ်ရဲ့  ၇၀% ကို တရုတ်နိုင်ငံကယူမယ်။ မြန်မာနိုင်ငံကတော့ ၂၀% ရမယ်။ ၂၀% ဆိုတာ ဒေါ်လာနဲ့တွက်ရင် တနှစ်ကို သန်း ၅၀၀ လောက်ပဲ ရှိပါတယ်။ ကြားပွဲစားတွေက ၁၀% လောက် ရမယ်။

ကျနော်မြင်တာကတော့ ကြားပွဲစားတွေက သူတို့အတွက် အကျိုးစီးပွားသိပ်များတဲ့အခါကြတော့ ၁၀% ဆိုတဲ့ ပမာဏက သိပ်မနည်းပါဘူး။ သာမန် ပုဂ္ဂလိက အကြံပေးပညာရှင်တွေ၊ စီးပွားရေးလုပ်ငန်းရှင်တို့ ရမယ့်ပမာဏက များပါတယ်။ အဲဒီအခါကြတော့ သူတို့တွေက ဒါကို မဖြစ်ဖြစ်အောင်။ ပညာရှင်တွေက မဆောက်နဲ့ ပြောပေမယ့် dam ဆောက်တာကိုက သူတို့အတွက် ပိုက်ဆံရပေါက်ရလမ်းဆိုတော့ သူတို့က မဖြစ်ဖြစ်အောင်လုပ်တဲ့ သဘောပါ။ မြန်မာစစ်အစိုးရဘက်ကတော့ တာဝန်မဲ့တဲ့အပိုင်းတွေ အများကြီးတွေ့ပါတယ်။

ဥပမာဆိုရင် မြစ်ကြီးနားကို စက္ကန့် ၂၀ အတွင်း ရေလွှမ်းမယ်။ မြစ်ကြီးနားတမြို့ လုံး ပျောက်သွားမယ်ဆိုတာကို ပညာရှင်တွေက ပြောတဲ့အခါမှာ မြန်မာစစ်တပ်က ဘာလုပ်သလဲဆိုတော့ မပခ လို့ခေါ်တဲ့ မြောက်ပိုင်းတိုင်းကို မြစ်ကြီးနားကနေ ပူတာအိုကို ရွှေ့ ဖို့ အမိန့်ပေးပါတယ်။

ဒါကိုကြည့်မယ်ဆိုရင် မြန်မာ စစ်အစိုးရအနေနဲ့က ပြည်သူလူထုထက်စာရင် သူတို့ရဲ့  လုံခြုံရေး၊ သူတို့ရဲ့  စစ်တပ်မဟာဗျူဟာကိစ္စတွေကို စဉ်းစားနေတာ ဝမ်းနည်းစရာကောင်းတယ်လို့ ထင်ပါတယ်။

ဦးသန်းလွင်ထွန်း ။ ။ ဒါ စစ်အစိုးရရဲ့  ရင်းနှီးမြုပ်နှံမှုလား။ တခြား ဘယ်ကုမ္မဏီတွေ မြန်မာဘက်က ပါဝင်ပတ်သက်နေသလဲ။

ဦးမင်းဇင် ။ ။ ရင်းနှီးမြုပ်နှံမှု အပြည့်အဝကတော့ တရုတ်ပြည်က များပါတယ်။ မြန်မာပြည်ဘက်ကတော့ ပါဝင်ဆောင်ရွက်ပေးတာကတော့ Asia World ကုမ္မဏီက အဓိကလုပ်တာပါ။ Asia World ကုမ္မဏီဆိုတာကလည်း စတီဗင်လော လို့ခေါ်တဲ့ ဦးထွန်းမြင့်နိုင် က လုပ်တာပါ။ ဦးထွန်းမြင့်နိုင် ကလည်း အနောက်နိုင်ငံတွေရဲ့  စီးပွားရေးအရ ပစ်မှတ်ထား အရေးယူမှုတွေမှာ သူက ဘိန်းလုပ်ငန်းနဲ့ ပတ်သက်တယ်ဆိုပြီး အရေးယူခံထားရတာ ဖြစ်ပါတယ်။ ဒါကလည်း အနောက်နိုင်ငံတွေမှ မဟုတ်ပါဘူး။ တရုတ်အစိုးရကိုယ်တိုင်လည်း သိပါတယ်။

၂၀၀၉ ခုနှစ်လောက်က ဦးထွန်းမြင့်နိုင် တို့ ရန်ကုန်မှာ ဆောက်ထားတဲ့ သဘောင်္ဆိပ်ကနေ ထွက်သွားတဲ့ သဘောင်္တွေမှာ ဘိန်းတွေပါတယ်ဆိုပြီး တရုတ်အစိုးရက သတင်းပေးလို့ မြန်မာစစ်တပ်က ဖမ်းခဲ့တယ်ဆိုတာ သတင်းထဲမှာ ဟိုလေတကြော်ပါနေတာပါ။ ကျနော်ပြောချင်တာက Asia World ကုမ္မဏီက အဓိကပတ်သက်တယ်။ မြန်မာစစ်တပ်ထဲက စစ်ခေါင်းဆောင်တွေ ကြားရတဲ့သတင်းအရဆိုရင် ဦးတင်အောင်မြင့်ဦးတို့ အဓိက ပတ်သက်တယ်လို့ သိရပါတယ်။ အဲဒီ ပုဂ္ဂိုလ်တွေက အဓိကပတ်သက်တာမို့လို့ ဒီကိစ္စကို ပြန်လည်သုံးသပ်ဖို့ ပညာရှင်တွေရဲ့  အကြံပြုချက်ဟာ ထင်သလောက်မပေါက်ဘူး ဖြစ်နေပါတယ်။

ဦးသန်းလွင်ထွန်း ။ ။ အဲဒီတော့ ဒေသခံလူထုအနေနဲ့ ကျနော်တို့ကြားသိရတာကတော့ ဒေသခံ ကချင်လူထု၊ ဒေသခံ အန်ဂျီအိုတွေကနေ ရေကာတာစီမံကိန်းနဲ့ ပတ်သက်ပြီး ကန့်ကွက်ဆန္ဒပြမှုတွေ၊ ကန့်ကွက်တဲ့စာတွေ လေ့လာချက်တွေ ထုတ်ထားတာကို တွေ့ရပါတယ်။ အလားတူပဲ ကေအိုင်အို ကချင်အဖွဲ့ကလည်း တရုတ်ပြည်ကိုတောင် စာရေးထားတယ်ဆိုတဲ့ အချက်တွေလည်း ကြားရပါတယ်။ အဲဒါတွေနဲ့ ပတ်သက်လို့ ဒေသတွင်း အခြေအနေတွေက ဘယ်လိုလဲ။

ဦးမင်းဇင် ။ ။ လုပ်ကြပါတယ်။ ဒေသခံ ကချင် ရပ်မိရပ်ဖတွေကော၊ ကချင်က အန်ဂျီအိုတွေ အားလုံးဝိုင်းပြီးတော့ ဒီကိစ္စကို မလုပ်ဖို့ တရုတ်အစိုးရနဲ့ ဗိုလ်ချုပ်မှူးကြီးသန်းရွှေ တို့ကို အကြိမ်ကြိမ် မေတ္တာရပ်ခံခဲ့တာတွေ ရှိပါတယ်။ အခုနပြောတဲ့ ကချင်လွတ်မြောက်ရေး တပ်မတော် ကေအိုင်အေ ကလည်း တရုတ်ပြည်ကို စာမျက်နှာ တစ်ရာကျော်လောက်ရှိတဲ့ အထောက်အထားတွေ ပူးတွဲပါဝင်တဲ့ စာတမ်းတွေ ပေးပို့တာရှိပါတယ်။

အဲဒီ စာတမ်းတွေမှာ တချို့ အချက်အလက်တွေကို သေသေချာချာ အထောက်အထားနဲ့ တင်ပြထားတာပါ။ ဥပမာဆိုရင် အဲဒီဒေသမှာ ၁၉၅၀ ကနေ ၂၀၁၀ အထိ ရေကြီးမှု အကြီးအကျယ် (၇) ကြိမ် ဖြစ်ခဲ့တယ်။ ဒါတွေကို အထောက်အထားနဲ့ တင်ပြထားတာကို တွေ့ရပါတယ်။ နောက်တခါ ပြတ်ရွေ့ ကြောကြောင့် မဟုတ်ဘဲ မြစ်က ရေစီးသန်တော့ ရေကြီးတဲ့အခါမှာလည်း ရေကာတာတွေရဲ့  အရည်အသွေးက သိပ်မကောင်းဘူး။ တရုတ်ရေကာတာရဲ့  အရည်အသွေးက သိပ်မကောင်းလို့ ရေကြီးတာကြောင့်လည်း ပြိုနိုင်ပါတယ်။ အဲဒါလည်း အထောက်အထားရှိပါတယ်။

၂၀၀၆ ခုနှစ်က ချင်းခရိုင် ရေကာတာ မြစ်ကြီးနား နားမှာ ပြိုခဲ့ဘူးပါတယ်။ အဲဒါ ရေကြီးလိုပါ။ လူ (၅) ယောက်လောက် သေခဲ့ပါတယ်။ အဲဒီလိုမျိုးပဲ ဝါရှောင်ဆည်ဆိုလည်း လုံးဝပျက်သွားတာ ရှိပါတယ်။ ဒါတွေက အထောက်အထားနဲ့တကွ အထက်ကို တင်ပြတာပါ။ အခုအချိန်အထိတော့ ပြည်သူလူထုရဲ့  ပြည်သူလူထုကို ကိုယ်စားပြုတဲ့ ပုဂ္ဂိုလ်တွေရဲ့  တင်ပြချက်တွေကို အရေးတယူ စဉ်းစားတာ မတွေ့ရသေးပါဘူး။

ဦးသန်းလွင်ထွန်း ။ ။ အခုနောက်ပိုင်း လေ့လာချက်စာတမ်း အပြင်ကို ပေါက်ကြားပြီးနောက်ပိုင်းမှာ ကိုမင်းဇင်တို့အနေနဲ့လည်း တရုတ်ပြည်ဘက်ကို ရောက်ခဲ့တယ်။ အလားတူပဲ မကြာသေးခင်က တရုတ်ပညာရှင်တချို့ ၊ မြန်မာပညာရှင်တချို့ နဲ့ တွေ့ခဲ့တယ်ဆိုတာကိုလည်း ကျနော်ကြားရပါတယ်။ သူတို့ရဲ့  သဘောထားတွေက ဘယ်လိုရှိပါသလဲ။

ဦးမင်းဇင် ။ ။ တရုတ်ဘက်ကတော့ များသောအားဖြင့် ဒါကို သူတို့က နှစ်နိုင်ငံအကျိုးစီးပွား။ ဒါက အားလုံးကောင်းဖို့အတွက်ဆိုပြီး ဗြောင်းငြင်းခုခံတာကို တွေ့ရပါတယ်။ မြန်မာပညာရှင်တွေ၊ မြန်မာအန်ဂျီအိုတွေနဲ့ မြန်မာပြည်သားတွေကတော့ ဒီကိစ္စနဲ့ ပတ်သက်ပြီး တော်တော်ကို မခံမရပ်နိုင် ဖြစ်ကြပါတယ်။

ဒါကတော့ သူတို့အတွက် ဒါကို မြစ်ဆုံပြဿနာလို့ ကြည့်လို့မရပါဘူး။ ဘာဖြစ်လို့လည်းဆိုတော့ ဒီလေ့လာချက်ဟာ အချက်တချက်ကိုပဲ လေ့လာရသေးတာပါ။ ဥပမာဆိုရင် ဒီမြစ်ကြီးကို အဆင့် (၇) ဆင့် ပိုင်းလိုက်လို့ နှုန်မြေစီးဆင်းမှုတွေ မရှိတော့ဘဲနဲ့ မြစ်ဝကျွန်းပေါ်မှာ စပါးအထွက်တွေ နည်းသွားမယ်။ မြစ်ကြီးနှေးသွားတဲ့အတွက်ကြောင့် ပင်လယ်ရေတွေ ဝင်လာပြီး ပင်လယ်ရေတွေကြောင့် မြစ်ဝကျွန်းပေါ် ပျက်နိုင်တယ်။ အဲဒီလိုမျိုး မြစ်ကောသွားနိုင်တယ်။

အများကြီးရှိပါတယ်။ ဖြစ်နိုင်ချေတွေ။ ဒါတွေကို စံနစ်တကျ သုတေသနပြုပြီး ဒါတွေကို ပညာရှင်တွေက အစီရင်ခံစာတွေ ထပ်တင်သွင်းသင့်ပါတယ်။ အဲဒီလိုမျိုး မလုပ်ဘဲ ဒါကို အမှောင်ချထားတဲ့အတွက်ကြောင့် ဗမာလူမျိုးတွေ၊ ဗမာနိုင်ငံသားတွေအားလုံးကတော့ ဒါကို မခံမရပ်နိုင်ဖြစ်ပါတယ်။

ဒါတွေကို ခြုံကြည့်မယ်ဆိုရင် တရုတ်ကတော့ ကိုသန်းလွင်ထွန်း ပြောသလိုမျိုး သူ့ရဲ့  နိုင်ငံရေးဘောဂဗေဒ စီးပွားရေးအကျိုးစီးပွားအတွက် လုပ်မှာပါပဲ။ ကျနော်တို့ မြန်မာနိုင်ငံသားတွေက ဒီကိစ္စကို ကိုယ်လည်းရမှာပါ ဘာမှမရှိဘူး။ ပေးလိုက်ရမှာက မြန်မာပြည်ပြောင်းသွားမယ့် ကိစ္စဖြစ်ပါတယ်။ ဒါကြောင့်မို့ ကျနော်တို့တွေကိုယ်တိုင် ဒီကိစ္စကို ထထကြွကြွနဲ့ ပညာရှင်တွေရဲ့  အကြံဥာဏ်ကိုယူ၊ ဖြစ်နိုင်မယ်ဆိုရင် ဒီ dam ကို ချက်ချင်းရပ်ဆိုင်းဖို့ အားလုံးဝိုင်းကြိုးစားကြ။ ဒီကိစ္စမှာ တပ်မတော်၊ လက်ရှိအစိုးရ နဲ့ အတိုက်အခံ တွေအားလုံး ပါနိုင်မယ်ဆိုရင်တော့ တိုင်းပြည်အတွက် ပိုကောင်းပါတယ်။

ဦးသန်းလွင်ထွန်း ။ ။ တရုတ်နဲ့ အာဆီယံအရေး လေ့လာသုတေသနပြုနေတဲ့ အမေရိကန်နိုင်ငံ UC Berkeley တက္ကသိုလ်က ဦးမင်းဇင် ကို ဆက်သွယ်မေးမြန်းထားတာပါ။

ဧရာဝတီ ဘလော့ဂ်မှ ကူးယူဖော်ပြသည်